Google Glass՝ բժիշկների նոր գործընկեր. med.news.am

Շտապ օգնության ցանկացած բժիշկ կարող է փաստել ժամանակի վճռորոշ նշանակությունը, երբ հիվանդի կյանքը կախված է վայրկյաններից։  Հաշվի առնելով այս ամենը՝ համակարգչային նոր հարմարանքները օգտագործում են հատում մի տեխնոլոգիա, որը մի ակնթարթում ներկայացնում է հիվանդի բժշկական պատմությունը, հաղորդում է Fox Business-ը։

Սան Ֆրանցիսկոյում Wearable Intelligence ընկերությունը հանդիսանում է Google-ի գործընկերը, եւ նրանք միասին պատրաստվում են խնայել շտապ օգնության բժիշկների ժամանակը այս ծրագրի օգնությամբ, որն աշխատում է Google Glass-ի հետ միասին եւ ակնոցի վրա դուրս է բերում հիվանդների բժշկական փաստաթղթերը։ Այսպիսով, բժիշկները ստիպված չեն լինի բժշկական պատմությունից անցում կատարել նկարներին, այն դեպքում, երբ ամեն վայրկյանը թանկ է հիվանդի համար։

Համահեղինակներ Յան-Դավիթ Էրլիխը  եւ Ռայան Ջունին մասնակցում են մի նոր ծրագրի՝ Glass for Work-ի աշխատանքներին, որի նպատակն է տարբեր գրասենյակներն ապահովել համապատասխան գործիքներով Google Glass համակարգը օգտագործելու համար։

Այժմ այս ծրագիրն օգտագործվում է Բոսթոնի  Beth Israel Deaconess բժշկական կենտրոնի բժիշկների կողմից, եւ Էրլիխը պնդում է, որ այս տեխնոլոգիան արդեն օգնել է փրկել մի կյանք: Հիվանդը տեղափոխվել էր հիվանդանոց ուղեղի արյան զեղումով, իսկ սովորական բուժման գործընթացում ընդգրկված էին եղել դեղեր, որոնց նկատմամբ նա ալերգիկ էր։

 «Բժիշկները սովորաբար իրենց թանկարժեք վայրկյանները ծախսում են տերմինալին միանալու վրա՝ հիվանդի պատմությունը ստուգելու համար։ Քանի որ այս դեպքում բժիշկը կրել է  Google ակնոց, եւ հիվանդի ալերգիայի մասին տեղեկությունները նրա աչքի առաջ են եղել, նա տեղեկացել է այդ մասին առանց հիվանդի հետ տեսողական կապը ընդհատելու ու առանց բուժման գործընթացում կարեւոր թանկարժեք վայրկյանների կորստի», - ասում է Էրլիխը։

Հարցեր, պատասխաններ, մեկնաբանություններ